E Sonnden, den 18.Oktober 2020 huet den neie Comité säin éischt Event fir dëst Comitésjoer organiséiert: de LSM Wanderdag. Nodeems dësen den 1.Mee huet missen opgrond vu Corona ausfalen, hu mir ons et net huele gelooss dësen nozehuelen.
Moies um 9h respektiv um 10h, opgedeelt an 2 Gruppe vu 15 Leit, ass et um Hauptbahnhof mam Zuch lass gaangen a Richtung Tegernsee. Vum Bahnhof Tegernsee si mir da fortgetrëppelt op d’Gindelalmschneid.
Uewen um Gipfel ukomm, ass et dann op déi nächstgeleen Hütt gaangen, wou mer ons dann deen een oder anere Béier verdéngt haten. En ganz motivéierten Deel vum Wandergrupp ass da souguer nach weidergetrëppelt op d’Kreuzbergalm. Vun do aus, ass et dann erëm erof gaangen an d’Uertschaft, wou een deelweis eng wonnerschéi Vue op den Tegernsee genéisse konnt.
Den Dag gouf dann zesummen an engem flotte Biergarten ausklénge gelooss, ier mer ons nees op de Réckwee op Münche gemaach hunn.
Du muss angemeldet sein, um einen Kommentar zu veröffentlichen.