Den 22. an 23. Dezember war et nees souwäit an d’Bäll sinn um Geeseknäppchen duerch d’Sportshale geflunn. Um Tournoi de Noël war den LSM wéi üblech an den 3 Sportaarten – Volleyball, Basket a Fussball – staark vertrueden.
Den 1. Dag ass et moies direkt mam Volleyball a Basket lass gaangen. 🏐🏀
Am Volleyball konnt sech eis Ekipp, mat voller Ënnerstëtzung vun den LSM-Ultras, déi 5. Plaz erkämpfen.
Am Basket hunn eis Spiller alles ginn, an hunn déi 4. Plaz ergattert.
Den 2. Dag war dunn de Fussball un der Rei.⚽ Eis Jongen hunn um Terrain gutt geschweest, a schlussendlech hu si sech déi 7. Plaz geséchert.
Dëst Joer huet déi grouss Ënnerstëtzung vun eisen LSM-Ultras an eiser eenzegaarteger LSM-Band dofir gesuergt, dass eis Sportler topp motivéiert bleiwen. Déi gutt Stëmmung um Terrain an dernieft ass awer och nach anescht belount ginn: Den LSM huet den Zuschauerpokal gewonnen! 🥇🏆
E rise Merci un all eis Supporter a virun allem awer och natierlech eise Sportler, déi vollen Asaz gewisen hunn! 💙
Du muss angemeldet sein, um einen Kommentar zu veröffentlichen.